Comezamos este curso celebrando o 35 Aniversario da Ponte da Arousa e rematamos coa inauguración do noso MUSEO SUPERILLA.
Expoñemos unha mostra pequeniña dos proxectos e traballos que fixemos: historias da Ponte, aves da nosa contorna, curiosidades e anécdotas arredor dos cons, as nosas expresións,...
Convidámosvos a unha visita virtual:
E como broche final de curso, convertimos a nosa aula nunha FEEEEEEEESTA!!
O xoves camiñamos dende o colexio ata a Praia de Gradín para pasar outra divertida xornada de xogos.
Desta vez con sorpresa incluída, xa que ese día sucedeu algo no ceo moi pouco frecuente e que poucas veces podemos observar:
un eclipse solar!
Aquí tendes o vídeo que nos manda o profe Toño, coas imaxes dese día para lembrar.
Imos lembrar parte do que aprendimos esta semana sobre as máquinas.
O pasado venres tivemos o privilexio de contar na nosa aula, de xeito virtual, con Manuel Domínguez, enxeñeiro de camiños, canais e portos, que nos contou un montón de cousas interesantes, e mesmo sorprendentes, sobre a historia e a construción das pontes.
Aprendimos un montón!!
Manuel falounos das pontes máis pequenas, das máis grandes e longas, das máis antigas e das máis novas. Tamén nos resolveu moitas dúbidas e respondeu a todas as preguntas que tiñamos sobre as pontes do mundo, e sobre a Ponte da Illa de Arousa, que estivo de 35º aniversario o pasado setembro.
Despois de tan amena charla, nós tamén quixemos probar a deseñar, crear e contruir pontes:
