TAREFA SEMANAL

Cantas cousas estamos descubrindo sobre a auga e sobre o necesaria que é;

ALGO IMPRESCINDIBLE PARA QUE HAXA VIDA!! 

Aquí o noso amigo Camaleón lémbranos as características que ten:

 

E de tanto falar de auga, chegounos á aula unha carta de alguén moi especial: UNHA GOTA DE AUGA DA AROUSA!

No fermoso libro que nos enviou de agasallo, " A gotiña de auga que quería ser especial", coñecimos un pouco das aventuras das pingas da chuvia e descubrimos como se forma o arco da vella.

Esta canción fala precisamente diso.

Nestes vídeos vemos uns experimentos con auga para crear o noso propio arco da vella.

Pois diso vai a TAREFA SEMANAL:

- Elixe un experimento.

- Coa axuda dun adulto, colle o que precises; e cando o teñas feito sácalle unha foto.

Exemplo de plantilla para rexistrar
o experimento

- Escribe nun papel os materiais que utilizaches e enumera os pasos que seguiches para facer o experimento; sácalle tamén unha foto.

- Enviade as dúas fotos a través da AULA VIRTUAL (ou podedes facer unha soa foto co resultado do experimento e o rexistro dos pasos ao lado; pero comproba que se vexa ben o que escribiches).

LEMBRADE ESCRIBIR CON MINÚSCULA E CON LETRA BEN FEITIÑA E CLARIÑA, PARA QUE POIDAMOS LER DESPOIS NA AULA.