Día da poesía...na primavera!!

Ola florciñas do noso xardín de primeiro!

Aínda que na casiña metidos…

chegou a primavera!! 

Enterástesvos?

E con ela, hoxe día 21 de marzo,

O DÍA DA POESÍA!!

LIBRIA bótavos tanto de menos 

dende a biblioteca do cole que decidiu 

propoñervos un RETO POÉTICO!

Ollade no blog da biblioteca!

http://bibliotorreilla.blogspot.com/

As mestras de primeiro imos un poquiño 

máis alá e propoñémosvos que intentedes 

escribir a poesía que escollades 

(en minúsculas claro! A que o sabiades?)

dentro dunha FLOR, 

por isto da chegada da primavera!

Así despois…podedes colgalas polas ventás,

ou pola casa adiante para alegrar o día a toda a familia!

Despois podedes mandarnos a foto ou o vídeo 

recitándoa ao noso EMAIL: 

asineiradotorreilla@gmail.com

e tamén ao email da biblioteca para

que LIBRIA as colgue no seu blog!

bibliotecatorreilla@gmail.com

As mestras xa nos animamos a grabar algo

e de paso…axudarvos nos pasos para debuxar 

unha flor, en forma de POESÍA claro!!

Aquí vos deixamos a poesía completa

para que poidades lela:

Ademais, vos deixamos unhas fichiñas

da letra "d" de DÍA e da letra "p" 

de POESÍA e de PRIMAVERA

por se queredes practicar!

 

Hai miles de poesías preciosas!

En todos os idiomas e formatos!

Tamén moi curiosas!

Algunhas incluso para practicar 

os días da semana e meses do ano

que vos virán moi ben!

Preguntade ás vosas familias, 

buscade en libros, en internet...

ou incluso animádevos a inventalas

con axuda dalguén!

Libria e as mestras de primeiro

esperamos con moitas ganas

esas poesías e ver as vosas cariñas!

Bo fin de semana primaveral!

Moitas apertas telemáticas!